अमळनेर:- येथील मुंदडा फाऊंडेशन संचलित एन टी मुंदडा ग्लोबल व्ह्यू स्कुल येथे शहीद झालेल्या वीरांना विविध नाटीका व नृत्यातुन आगळीवेगळी आदरांजली वाहीली.
कार्यक्रमाच्या सुरुवातीला एन.सी.सी बटालीयनचे कमांडींग ऑफीसर, सुभेदार मेजर, संस्थेचे अध्यक्ष ओमप्रकाश मुंदडा, छाया मुंदडा, सहसचिव योगेश मुंदडा, शाळेचे प्राचार्य लक्ष्मण सर व प्राचार्या विद्या मॅडम, पत्रकार संजय पाटील, उमेश काटे, किरण पाटील यांचे हस्ते दिपप्रज्वलन करून अमर जवानांना श्रद्धांजली अर्पण करण्यात आली. यावेळी विद्यार्थ्यांनी समुहगीत, देशभक्ति गीत, मेजर विक्रम बत्रा यांच्या जीवनावर आधारीत नाटीका व गीत सादर करून आदरांजली वाहिली. सदर कार्यक्रमासाठी शाळेतील सर्व शिक्षक, शिक्षिका व शिक्षकेतर कर्मचारी यांनी परिश्रम घेतले.
