अज्ञात वाहनचालकाविरुद्ध पोलिसात गुन्हा दाखल…
अमळनेर:- येथील धार रस्त्याच्या कडेला चरत असलेल्या घोड्याला चारचाकी वाहनाने धडक दिल्याने घोडा जागीच ठार झाला असून अमळनेर पोलीसात याप्रकरणी गुन्हा दाखल करण्यात आला आहे.
फिर्यादी राजेश जयवंत महाले उर्फ सोनल घोडेवाला याच्या मालकीचा ५० हजार किमतीचा घोडा दिनांक ४ ऑगस्ट रोजी दुपारी तीन वाजेच्या सुमारास धार रस्त्यावर क्रीडा संकुलासमोर रस्त्याच्या कडेला चरत असताना निळ्या रंगाच्या टाटा एज या गाडीचालकाने विरुद्ध दिशेने भरधाव गाडी चालवत घोड्याला धडक दिल्याने घोडा जागीच ठार झाला. सदर वाहनचालक भरधाव वाहत चालवत निघून गेला. अमळनेर पोलीसात अज्ञात वाहनचालकाविरुद्ध भादवि कलम २७९,४२९ मो.व्हे.ॲ. १८४,१३४ (ब) प्रमाणे गुन्ह्याची नोंद करण्यात आली आहे.पुढील तपास पो. सुनील हटकर हे करीत आहेत.
