श्री चक्रधर स्वामी अवतार दिन व श्रीकृष्ण मंदिराच्या वर्धापन दिनानिमित्त आयोजन..
अमळनेर:- तालुक्यातील खेडी व्यवहरदळे येथे श्री चक्रधर स्वामी अवतार दिन व श्रीकृष्ण मंदिराच्या वर्धापन दिनाचे औचित्य साधून विविध कार्यक्रमाचे आयोजन करण्यात आले आहे.
दि. २९ ऑगस्ट रोजी सकाळी ६ वाजेपासून कार्यक्रमांना सुरुवात होणार आहे. सकाळी ६ वाजता श्री. मूर्तीस मंगलस्नान, ७:३० वाजता श्री गीता पाठ, ९ वाजता ध्वजारोहण, ९:१५ वाजता धर्मसभा, दुपारी १२:१५ वाजता महाप्रसादास सुरुवात होणार आहे. त्यानतंर संध्याकाळी ५ वाजता सांज आरती, व पालखी मिरवणूक, रात्री ८:३० वाजता भजन, गौळण व भारुडांचा कार्यक्रम होणार आहे. यावेळी विविध संत महात्म्याची उपस्थिती लाभणार असून भाविकांनी उपस्थित राहण्याचे आवाहन खेडी व्यवहरदळे ग्रामस्थांनी केले आहे.
