अमळनेर:- तालुक्यातील मुडी प्र.डांगरी येथील ७० वर्षीय वृद्ध बेपत्ता झाले असून मारवड पोलीसात तक्रार दाखल करण्यात आली आहे.
दिलीप रामदास पाटील (वय ७०) हे १ सप्टेंबर रोजी संध्याकाळी ७ वाजता पत्नीस सांगून गेले की, मी गाव दरवाजा येथून येतो, मात्र आजपावेतो ते परतले नाही. आजूबाजूच्या परिसरात तसेच नातेवाईकांकडे शोध घेतला असता मिळून आले नाहीत. त्यामुळे छायाबाई दिलीप पाटील यांच्या फिर्यादीवरून मारवड पोलीसात मिसिंगची तक्रार ११ सप्टेंबर रोजी नोंदविण्यात आली आहे. त्यांचे वर्णन शरीराने मजबूत, गोल चेहरा, गव्हाळ रंग, पाच फूट उंची, केस पांढरे असे असून अंगात पांढऱ्या रंगाचा लाल रंग लागलेला शर्ट व काळ्या रंगाची पँट घातली आहे. अश्या वर्णनाची व्यक्ती दिसून आल्यास संपर्क साधण्याचे आवाहन करण्यात आले आहे.
