अमळनेर येथे शहीद जवानांच्या कुटुंबियांना केले सन्मानित….

महाराष्ट्र एनसीसी बटालियनतर्फे कार्यक्रमाचे आयोजन…

अमळनेर:- येथील ४९ महाराष्ट्र एनसीसी बटालियनतर्फे आयोजित कार्यक्रमात शहीद जवानांच्या कुटुंबियांना सन्मानित करण्यात आले.
दिनांक १२ सप्टेंबर रोजी धुळे, नंदुरबार व जळगाव जिल्ह्यातील वीरगती प्राप्त झालेल्या १७ जवांनाना श्रद्धांजली देवून त्यांच्या कुटुंबीयांना वीर ट्रॉफी देवून सन्मानित करण्यात आले. प्रताप महाविद्यालयात सदर कार्यक्रमाचे आयोजन करण्यात आले होते. यावेळी बटालियनचे कमांडींग ऑफिसर विवेक बटारा, ॲडमिनीस्ट्रेटिव ऑफिसर ले. कर्नल समीर बोडस, खा. शि चेअरमन हरी भिका वाणी यासह अन्य मान्यवर उपस्थित होते. यावेळी उपस्थित एनसीसी कॅडेट ना शहीद जवानांचे शौर्य व त्यांच्या आईवडिलांचे अभिमानाने भरलेले मन यांची उदाहरणे देत सैनिक होऊन देशाचे व कुटुंबीयांचे नाव उज्वल करण्याचे आवाहन कर्नल विवेक बटारा यांनी केले. यावेळी ट्रॉफी देवून सन्मानित करताना शहिदांच्या कुटुंबियांना अश्रू अनावर झाले होते.