चोरी केलेल्या दारुसह ४८ हजाराचा मुद्देमाल जप्त…
अमळनेर:- शहरातील चोपडा रस्त्यावरील परमिट रूम बियर बार मधून १२ सप्टेंबर रोजी रोख रक्कम व दारूवर डल्ला मारलेल्या चोरट्यांना अमळनेर पोलिसांनी जेरबंद केले आहे.
चोपडा रस्त्यावरील हॉटेल भगवती मधून १२ सप्टेंबर रोजी लोखंडी सळई तोडून चोरट्यांनी प्रवेश करत रोख रक्कम ५४ हजार २२५ रुपये तसेच विदेशी दारुच्या बाटल्या चोरुन नेल्या होत्या. तसेच सीसीटिव्ही चा डीव्हीआर ही काढून नेला होता. याबाबत अमळनेर पोलीसात गुन्ह्याची नोंद करण्यात आली होती. अश्या प्रकारच्या चोरीतील संशयित शाण्या प्रताप कोळी रा. रुबजी नगर अमळनेर यास चोपडा तालुक्यातील मालचे येथून ताब्यात घेतले असता त्याने साथीदार भूषण प्रमोद सनेर रा. हातेड ता चोपडा याच्या सोबत जळोद येथून मोटारसायकल चोरी करून तीच्याने अमळनेर येथे येत सदरची चोरी केली आहे. त्याच्याकडून २३ हजार २८० रुपये किमतीची विदेशी दारू तसेच २५ हजार किमतीची बजाज डिस्कवर मोटारसायकल असा ४८ हजाराचा मुद्देमाल जप्त करण्यात आला आहे. सदरची कामगिरी पो. नि. जयपाल हिरे यांच्या मार्गदर्शनाखाली सफौ पुरुषोत्तम पाटील, पो.ना. मिलिंद भामरे, पो.ना. सूर्यकांत साळुंखे यांनी बजावली आहे.
