मुख्याधिकाऱ्यांना निवेदन, गार्डन सुशोभीकरण करण्याचीही मागणी…
अमळनेर:- शहरातील मंगळ ग्रह मंदिराजवळील ओमकार नगर भागात रस्त्यावर मुरुम टाकून डागडुजी करत गार्डन सुशोभीकरण करण्याचीही मागणी निवेदनद्वारे करण्यात आली आहे.
ओमकार नगर परिसरातील रहिवाश्यांनी मुख्याधिकाऱ्यांना दिलेल्या निवेदनात नमूद केले आहे की, परिसरात पावसाच्या पाण्यामुळे रस्ता तुडूंब भरला जातो. त्यामुळे रहदारीस अडचणी येत असते. मंगळग्रह परिसरातील जनतेला दैनंदिन अत्यावश्यक कामाच्या निमित्ताने घराबाहेर पडावे लागते व अशातच रस्ता पावसाच्या पाण्याने भरलेला असल्यामुळे येण्या जाण्यास त्रास होत असून त्यातच रस्त्यावर लाईट नसल्यामुळे रात्री मोठ्या प्रमाणावर अंधार असल्यामुळे जिवीत हानी होण्याची शक्यता नाकारता येत नाही. तसेच ओमकार नगर मध्ये गार्डन असून नगरपलिका सुशोभिकरण योजने अंतर्गत गार्डन परिसरात नळ, मोठा लाईट, ओपन जिम बसवून द्यावी, अशी विनंती निवेदनाव्दारे करण्यात आली आहे.
