सरस्वती आयटीआय कॉलेज, देवळी येथे रोजगार मेळावा संपन्न….

अमळनेर:- तालुक्यातील देवळी येथ सरस्वती आयटीआय कॉलेज येथे रोजगार मेळावा संपन्न झाला.
दि. 22/09/2022 रोजी पार पडलेल्या रोजगार मेळाव्यात इलेक्ट्रिशियन व फिटर या शाखेतील विद्यार्थ्यांना लेखी परीक्षा घेऊन निवड करण्यात आली. त्यावेळी उपस्थित संस्थेचे अध्यक्ष प्रकाश हनुमंत पाटील व सानिध्य कॉर्पोरेशनचे प्रतिनिधी देवेंद्रकुमार बोरसे यांनी विद्यार्थ्यांना मार्गदर्शन केले. त्याच वेळी आयटीआय पास झालेले विद्यार्थ्यांची लेखी व मौखिक परीक्षा घेऊन चयन करण्यात आले. सदर विद्यार्थ्यांना सानिध्य कॉर्पोरेशनच्या माध्यमातून जेबिएम ऑटो लिमिटेड या कंपनीत पाठवण्यात येणार आहे अशी माहिती संस्थेच्या सचिव कुवर मॅडम यांचे कडून मिळाली तसेच रोजगार मेळाव्यात राकेश बी. महाजन, सुलतान शेख, एम. एस. चौधरी, परेश एल. पाटील, दीपक धनसिंग मोरे यांचे विद्यार्थ्यांना मार्गदर्शन मिळाले.