भडगाव येथे झालेल्या खो-खो स्पर्धेत मुलींचा संघ ठरला उपविजेता…
अमळनेर:- भडगाव येथे दि. २७ ऑक्टोबर रोजी झालेल्या एरंडोल विभाग अंतर महाविद्यालयीन पुरुष व महिला स्पर्धा संपन्न झाल्या. यामध्ये मारवड येथील कै. न्हानाभाऊ मन्साराम तुकाराम पाटील कला महाविद्यालयातील मुलींचा संघ उपविजेता झाला.
सदर संघात कु. किरण साळुंखे, कु. अश्विनी साळुंखे, कु. दिपीका पाटील,कु. दिपाली पाटील, कु. नेहा भोई, कु. पुनम भिल, कु. कनुश्री पाटील, कु. रुपाली साळुंखे, कु. स्वाती चौधरी,कु. वैष्णवी महाजन, कु. ललिता वडर यांचा सहभाग होता. सदर संघासोबत प्रशिक्षक म्हणून क्रीडा संचालक प्रा. डॉ. देवदत्त पाटील, तर संघ व्यवस्थापक म्हणून सचिन पाटील यांनी काम पाहिले. या सर्वांचे संस्थाध्यक्ष जयवंतराव मन्साराम पाटील, उपाध्यक्ष देविदास शामराव पाटील, संस्थेचे सचिव देविदास बारकू पाटील तसेच सर्व संचालक मंडळ आणि महाविद्यालयाचे प्राचार्य डॉ वसंत देसले व सर्व शिक्षक-शिक्षकेत्तर कर्मचाऱ्यांनी अभिनंदन केले आहे.
