राहुल पारधी राज्यात एसटी प्रवर्गातून नवव्या क्रमांकाने उत्तीर्ण…
अमळनेर:- तालुक्यातील निंभोरा येथील राहुल अरुण पारधी याने राज्य लोकसेवा आयोगामार्फत घेण्यात आलेल्या संयुक्त परीक्षेतुन उत्तुंग यश मिळवले आहे.
राहुल पारधी याची राज्य लोकसेवा आयोगामार्फत एसटीआय पदी निवड झाली आहे. राज्यात अनुसूचित जमाती मधून राहुल पारधी नवव्या क्रमांकाने उत्तीर्ण झाला आहे. राहुल पारधी 2014 पासून जळगाव जिल्हा पोलीस दलात कार्यरत असून सध्या रामानंद पोलीस ठाण्यात कर्तव्यावर आहे. राहुल पारधी यांचे वडील निंभोरा येथे हातमजुरी करत असत. वडिलांच्या मेहनत बघून कठोर मेहनत करत राहुल 2014 साली जळगाव जिल्हा पोलीस दलात भरती झाला. पोलीस दलात असूनही वेळात वेळ काढून राहुलने अभ्यास सुरू ठेवला व जुलै 2022 पासून सुरू झालेल्या संयुक्त परीक्षेत यश मिळत गेला. दिनांक 23 नोव्हेंबर रोजी महाराष्ट्र लोकसेवा आयोगाच्या संयुक्त परीक्षेचा निकाल जाहीर झाला. व त्यात राहुलने एसटीआय म्हणून अनुसूचित जमाती संवर्गात राज्यात नवव्या क्रमांकावर उत्तीर्ण झाला. राहुल पोलीस उपनिरीक्षक पदासाठी देखील पात्र झाला असून त्यात देखील स्थान मिळवू असा विश्वास राहुलने व्यक्त केला आहे. दरम्यान तालुक्यात त्याचे सर्वत्र कौतुक होत आहे.
