अमळनेर:- तालुक्यातील खेडी बु. जि.प. शाळेत पालक संपर्क मेळाव्याचे आयोजन करण्यात आले होते.
जि.प.प्राथमिक शाळा खेडी बु येथे निपुण भारत अंतर्गत पालक संपर्क मेळावा आयोजित करण्यात आला. गावातील प्रतिष्ठित नागरिक उमेश पाटील यांच्या हस्ते राजमाता जिजाऊ व पहिल्या शिक्षिका सावित्रीमाई फुले यांच्या प्रतिमेचे पूजन करण्यात आले. यावेळी शालेय व्यवस्थापन समितीच्या अध्यक्षा कविता पाटील, पालक, ग्रामपंचायत सदस्या, अंगणवाडी सेविका, विद्यार्थी उपस्थित होते. या मेळाव्याचे महत्व व पालक म्हणून जबाबदारी व शिक्षकांची भुमिका या विषयी सखोल असे मार्गदर्शन शिक्षक किरण मोहिते व मुख्याध्यापक भारती चौधरी मॅडम यांनी केले. आभार प्रदर्शन गावातील शालेय व्यवस्थापन समिती सदस्य राकेश पाटील यांनी केले अशा प्रकारे अगदी खेळीमेळीच्या वातावरणात कार्यक्रम संपन्न झाला.
