भाजप प्रदेशाध्यक्षांनी केली निवड, आतापासून निवडणुकीची तयारी केली सुरू…
अमळनेर:- भारतीय जनता पार्टी महाराष्ट्र प्रदेश च्या सर्व 288 विधानसभा मतदारसंघांच्या निवडणूक प्रमुखांच्या नियुक्त्या प्रदेश अध्यक्ष चंद्रशेखर बावनकुळे यांनी नुकत्याच जाहीर केल्या असून यात अमळनेर विधानसभा मतदारसंघात निवडणूक प्रमुख म्हणून भाजप प्रदेश उपाध्यक्ष मा.आ.स्मिताताई वाघ यांची नियुक्ती करण्यात आली आहे.
सदर नियुक्तीबाबतचे पत्र भाजप प्रदेश कार्यालयाकडून 8 जून रोजीच प्रसिद्ध झाले आहे, ज्या मतदारसंघात भाजपाचे आमदार असतील तेथे आमदारांना तर जेथे आमदार नसतील तेथे माजी आमदार किंवा प्रमुख पदाधिकारीना नियुक्त करण्यात आले आहे.सदर नियुक्त्या लक्षात घेता भाजपाने आतापासूनच निवडणुकीची तयारी सुरू केल्याचे स्पष्ट झाले आहे. स्मिता वाघ यांनी आतापर्यंत लोकप्रतिनिधी म्हणून उत्तम कामगिरी बजावली असून सोबतच जिल्हा पातळीपासून प्रदेश पातळीपर्यंत अनेक संघटनात्मक जबाबदाऱ्या त्यांनी काळजीने सांभाळल्या आहेत, सद्यस्थितीत भाजप प्रदेश उपाध्यक्ष म्हणून जवाबदारी त्यांच्यावर असताना पक्षाने त्यांच्यावर अमळनेर विधानसभा मतदारसंघात निवडणूक प्रमुख म्हणून दुसरी मोठी जबाबदारी दिली आहे. सदर नियुक्तीबद्दल त्यांचे भाजप नेते तसेच जिल्हा व तालुका पदाधिकारी व कार्यकर्त्यांनी अभिनंदन केले आहे.
