अमळनेर:- रस्त्याच्या मध्यभागी चारचाकी वाहन लावून वाहतुकीस अडथळा निर्माण करणाऱ्या वाहनचालकावर मारवड पोलिसांनी कारवाई केली आहे.
तालुक्यातील मारवड गोवर्धन रस्त्यावर गोवर्धनच्या मुख्य चौफुलीवर सार्वजनिक जागी टाटा मॅजिक चालकाने याने गाडी क्रमांक एमएच १९ सीएक्स ३७४८ ही मध्यभागी उभी करून येणाऱ्या जाणाऱ्या वाहनांना अळथळा निर्माण केला होता. पीएसआय विनोद पाटील यांनी वाहन चालक पंकज पाटील यास हटकून वाहन पोलीस ठाण्यात जमा केले होते. चालकास समजपत्र देवून वाहन त्याच्या ताब्यात देण्यात आले असून मारवड पोलीसात कलम २८३ अन्वये नोंद करण्यात आली आहे.
