अमळनेर:- धुळे रस्त्यावर जानवे गावाजवळ दुचाकीला चारचाकी वाहनांची धडक बसल्याने डांगर येथील ४२ वर्षीय इसमाचा मृत्यू झाल्याची घटना काल घडली.
अमळनेरकडून डांगरकडे जाणाऱ्या मोटरसायकलला धुळ्याकडून येणाऱ्या चारचाकी वाहनाची (एमएच १८ बीएक्स ४३३२) धडक लागल्याने डांगर येथील गोकुळ चतुर चव्हाण (वय ४२) ठार झाल्याची घटना ४ रोजी दुपारी साडेतीन वाजता जानवे गावाजवळ घडली. मोटरसायकल व चारचाकीची धडक होताच मोटरसायकलस्वार चार चाकीच्या काचेवर येऊन धडकला, व चारचाकीचे पुढचे टायर फुटले. गोकुळ चव्हाण यांला जानवे प्राथमिक आरोग्य केंद्राच्या वाहनाने धुळ्याला नेताना त्याचा मृत्यू झाला. उशिरापर्यंत अमळनेर पोलिसांत गुन्ह्याची नोंद करण्याचे काम सुरू होते.
