अमळनेर:- तालुक्यातील पळासदडे येथील एका २९ वर्षीय तरुणाने शेतात गळफास घेऊन आत्महत्या केल्याची घटना दि. ४ जुलै रोजी घडली.
विनोद हिलाल पाटील (वय २९ रा.पळासदडे) असे मयत तरुणाचे नाव असून त्याने दि ४ रोजी सायंकाळी ५:१५ वाजेच्या सुमारास आधार बाबुराव पाटील यांच्या शेताजवळ असलेल्या बाभूळच्या झाडास गळफास घेतला.सदरची घटना दुर्गेश पाटील यांनी मयताचे भाऊ भरत हिलाल पाटील यांना कळविल्याने त्यांनी इतरांना सोबत घेऊन शेतात धाव घेतली,त्यांनी मृतदेह उतरवून पॅजो रिक्षाद्वारे अमळनेर ग्रामीण रुग्णालयात आणला असता डॉक्टरांनी त्यास मृत घोषित केले.याबाबत भरत पाटील यांनी अमळनेर पोलिसात दिलेल्या खबरीवरून अकस्मात मृत्यूची नोंद करण्यात आली आहे. आत्महत्येचे कारण अद्याप कळू शकले नसून पुढील तपास पो ना हितेश चिंचोरे हे करीत आहेत.
