मुडी-बोदर्डे येथे अज्ञात समाजकंटकाचे कृत्य…
अमळनेर:- तालुक्यातील मुडी-बोदर्डे येथील शेतकऱ्याच्या सुमारे तीन बिघे शेतीतील कपाशी समाजकंटकाने उपटून फेकल्याने परिसरात खळबळ उडाली असून या शेतकऱ्याला मदत मिळावी अशी अपेक्षा व्यक्त होत आहे.
तालुक्यातील मुडी बोदर्डे येथिल शेतकरी देविदास पाटिल यांच्या शेतातील तीन बिघे शेतात कापसाचे दोनशे ते तीनशे झाडे काही समाज कंटकांनी उपटुन फेकले आहेत. यामुळे या शेतकऱ्याचे लाखो रुपयाचे नुकसान झाले आहे. या बाबत शेतकरी देविदास पाटिल यांनी मारवड पोलिस स्टेशनाला तक्रार दिली आहे. परंतू शेतात अद्यापही कोणतेही शासकिय अधिकारी पंचनामासाठी पोहचलेले नाहीत. या घटनेमुळे परिसरातील शेतकऱ्यांनी मोठ्या प्रमाणात रोष व्यक्त केला आहे. दरम्यान, देविदास पाटील यांचे मोठ्या प्रमाणात नुकसान झाले असल्याने या नुकसानीचा पंचनामा करून त्यांना तात्काळ मदत मिळावी अशी मागणी परिसरातून करण्यात येत आहे.
