अमळनेर:- तालुक्यातील जैतपीर येथे वाळू वाहतूक करणारे ट्रॅक्टर मारवड पोलिसांनी पकडत दोघांवर गुन्हा दाखल केला आहे.
याबाबत अधिक माहिती अशी की, दिनांक ९ रोजी पहाटे ४:३० वाजता जैतपिर गावात जि. प. शाळेजवळ वाळू वाहतूक करणारे ट्रॅक्टर रात्रीची गस्त घालत असताना मारवड पोलिसांना सापडले. चालक राजेंद्र अरुण कोळी (रा. शिरुड नाका, अमळनेर) यास ताब्यात घेतले असता सदर ट्रॅक्टर अय्याज बागवान याचे असल्याची माहिती दिली. स्वराज कंपनीचे ट्रॅक्टर व सव्वा ब्रास वाळू असा ४ लाख ५२ हजार ५०० रुपयाचा मुद्देमाल जप्त करण्यात आला असून पुढील तपास पोहेकॉ सचिन निकम हे करित आहेत.
