अध्यक्षपदी उदय पाटील व सेक्रेटरीपदी भरत पाटील विजयी…
अमळनेर:- तालुक्यातील मुडी येथील ग्रामविकास संस्थेच्या अध्यक्षपदी उदय नारायण पाटील (४२०)हे प्रवीण विनायक पाटील (२७२) यांचा मोठ्या फरकाने पराभव करून विजयी झाले आहेत. तर सेक्रेटरी पदी भरत जीवन पाटील (३६०) हे मीनल सुनील पाटील (३३०) यांचा पराभव करून निवडून आले आहेत.
कार्यकारिणी सदस्य म्हणून गांधली पिळोदे गावासाठी खा शि मंडळाचे चेअरमन डॉ अनिल शिंदे हे अवघ्या तीन मतांनी गजेंद्र साळुंखे यांचा पराभव करून विजयी झाले आहेत. शिरूड गावासाठी पुष्पलता अशोक पाटील यांनी कन्हैयालाल पुंजु पाटील व विनायकराव तापीराम पाटील यांच्यावर विजय मिळवला आहे. अंबापिंप्री गावासाठी अशोक हिम्मत पाटील हे विद्यमान संचालक गोविंद नगराज पाटील यांचा पराभव करून विजयी झाले आहेत. सारबेटे येथे राजेश निंबाजी पाटील यांनी विद्यमान संचालक कमलाकर विनेश पाटील यांचा पराभव केला आहे. कोळपिंप्री गावासाठी प्रवीण काटे यांनी उमेश काटे यांच्यावर विजय मिळवला आहे. शिक्षक प्रतिनिधी म्हणून माधुरी पाटील व हर्षल पाटील हे विजयी झाले आहेत. त्यांनी जगदीश अहिरे, प्रमोद सोनवणे, सयाजीराव अंबु यांचा पराभव केला आहे. तर शिक्षकेतर प्रतिनिधी म्हणून सुभाष पाटील यांनी संगीता पाटील यांच्यावर विजय मिळवला आहे. निवडणूक निर्णय अधिकारी म्हणून ना जे लांजेवार यांनी काम पाहिले.
