अमळनेर:- तालुक्यातील वावडे येथे १६ वर्षीय तरुणाने गळफास लावून घेत आत्महत्या केल्याची घटना ४ रोजी दुपारी १२ वाजेच्या सुमारास घडली आहे.
मध्य प्रदेशातील पावरा कुटुंबीय उदरनिर्वाहासाठी वावडे येथे स्थलांतरित झाले असून त्या कुटुंबातील १६ वर्षीय तरुण संजय रोहिदास देवरे उर्फ रूल्या याने राहत्या घरी लोखंडी रॉडला दोरीच्या सहाय्याने गळफास घेतल्याचे ४ रोजी दुपारी बारा वाजेच्या सुमारास उघडकीस आले. ग्रामस्थांनी त्यास खाजगी वाहनाने अमळनेर ग्रामीण रुग्णालयात दाखल केले असता डॉक्टरांनी त्यास मृत घोषित केले. दिनेश पाटील यांच्या खबरीवरून मारवड पोलिसांत अकस्मात मृत्यूची नोंद करण्यात आली असून पुढील तपास पोहेकॉ भरत गायकवाड हे करीत आहेत.
