अमळनेर:- तालुक्यातील मांडळ येथे ग्रामसेवक येत नसल्याने ग्रामस्थ संदीप कोळी यांनी बीडीओंना निवेदन देत लक्ष घालण्याची मागणी केली आहे.
तालुक्यातील मांडळ येथील ग्रामस्थ संदीप कोळी यांनी दिलेल्या निवेदनात नमूद केले आहे की, ११ सप्टेंबर रोजी ग्रामसभेची व ग्रामसेवकांची तक्रार दिल्यानंतर ग्रामसेवक गावात आले नसून फोन ही उचलत नाहीत. ग्रामपंचायत पदाधिकारी व कर्मचाऱ्यांना विचारले असता त्यांनीही ग्रामसेवक कधी येतील याबाबत माहिती नसल्याचे सांगितले. त्यामुळे ग्रामपंचायत कारभार वाऱ्यावर असून गटविकास अधिकाऱ्यांनी गावात येवून समस्या सोडवाव्यात, अशी मागणी कोळी यांनी निवेदनात केली आहे. सदर निवेदनावर योगेश कोळी, श्रावण कोळी, वासुदेव पाटील, गोकुळ शिरसाठ आदीच्या सह्या आहेत.
