नंदुरबार लोहमार्गाचे पोलिस अधिकारी व कर्मचाऱ्यांनी केले रक्तदान…
अमळनेर:- आपल्या वरिष्ठ अधिकाऱ्यांच्या वाढदिवशी कर्मचाऱ्यांनी रक्तदान करून अनोखी सामाजिक भेट दिल्याचा सुखद प्रकार अमळनेर शहरात घडला आहे.
महामार्ग मुंबईचे अप्पर पोलीस महासंचालक रवींद्र कुमार सिंघल यांच्या वाढदिवसानिमित्त रेल्वे पोलिस अधिकाऱ्यांनी आणि पोलीस कर्मचाऱ्यांनी रक्तदान करण्याचा संकल्प केला. सोशल मीडियातून रक्तदान चळवळ चालवणाऱ्या मनोज शिंगाणे यांच्याशी संपर्क साधून जीवनश्री रक्तपेढीत नंदुरबार लोहमार्गचे प्रभारी सहाय्यक पोलीस निरीक्षक रमेश वावरे, राजेश घोराडे, योगेश चौधरी, मधुकर विसावळे, राजू निकम या पोलीस कर्मचाऱ्यांनी रक्तदान केले. आपल्या अधिकाऱ्याला वाढदिवसानिमित्त समाज सेवेची अनोखी भेट देणाऱ्या पोलीस कर्मचाऱ्यांचे रक्तपेढी संचालक संतोष पाटील व प्रवीण भोई यांनी कौतुक केले आहे.
