अमळनेर:- तालुक्यातील गोवर्धन येथे शेतात ठेवलेल्या चाऱ्याला आग लागून शेतकऱ्याचे नुकसान झाल्याची घटना काल ४ मे रोजी घडली आहे.
गोवर्धन येथील शेतकरी कैलास हिम्मतराव पाटील यांच्या शेतात गट क्र. ५४ मध्ये कुट्टी केलेला चारा पडलेला होता. सकाळी १० वाजेच्या सुमारास अज्ञात कारणाने त्याला आग लागून संपूर्ण खाक झाला आहे. आगीत एक निंबाचे झाड देखील जळून खाक झाले आहे. याबाबत शेतकऱ्याचे ७० हजार रुपयांचे नुकसान झाले असून तलाठी जी जी पाटील यांनी सदर घटनेचा पंचनामा केला आहे.
