अमळनेर:- तालुक्यातील मारवड कै. नानाभाऊ मन्साराम तुकाराम पाटील कला महाविद्यालयातील टी.वाय.बी .ए .चा विद्यार्थी अमेय रवींद्र कोळी याची कवयित्री बहिणाबाई चौधरी उत्तर महाराष्ट्र विद्यापीठाच्या पुरूष क्रिकेट संघात निवड झाली आहे.
अमेय याने उत्तर महाराष्ट्र विद्यापीठ अंतर्गत चाचणीत उत्कृष्ट खेळाचे प्रदर्शन केले. त्यामुळे त्याची विद्यापीठ संघात निवड झाली असून पुढील आंतर विद्यापीठ पुरूष क्रिकेट स्पर्धा या जे.जे.पी.यु.टिपरी वाला विद्यापीठ झुंझुनू दिनांक 27 रोजी आयोजित करण्यात आल्या आहेत. अमय कोळी याला महाविद्यालयाचे क्रीडा संचालक प्रा.डॉ.देवदत्त पाटील यांनी मार्गदर्शन केले.या निवडीबद्दल संस्थेचे अध्यक्ष जयवंतराव पाटील, उपाध्यक्ष देवीदास पाटील, संस्थेचे सेक्रेटरी आबाजी व सर्व मंडळाने व महाविद्यालयाचे प्राचार्य व प्राध्यापक शिक्षकेतर कर्मचाऱ्यांनी अभिनंदन व कौतुक केले आहे.
