दिसून आल्यास कुटुंबीयांचे संपर्क साधण्याचे आवाहन…
सागर मोरे
पातोंडा ता.अमळनेर:- येथील न्यू प्लॉट भागांतील तरुण कपिल अनिल जाधव (वय-20 वर्षे) हा रविवार सकाळ पासून बेपत्ता झाला असून अद्यापही तो घरी परतला नसल्याने अमळनेर पोलीस स्टेशनमध्ये हरवल्याची नोंद करण्यात आली असून तपास सुरू करण्यात आला आहे.
कपिल हा घरातील एकुलता एक कर्ता मुलगा असून शेतमजुरी करून आपल्या आई वडिलांसोबत उदरनिर्वाह करतो. घरात अठराविश्व दारिद्र्य, मोठ्या भावाचे आकस्मिक निधन झालेलं तरीही मोलमजुरी करून संसाराचा गाडा चालला होता. रविवारी सकाळी मी गाई बघून येतो हे सांगून तो घराबाहेर पडला. संध्याकाळी झाली तरीही तो परतला नाही म्हणून आई-वडील चिंतेत पडले व त्याचा सर्वत्र शोध घेण्यात आला मात्र तो मिळून आला नाही.त्याच्याकडे मोबाईल वगैरे नसल्याने त्याच्याशी संपर्क होत नव्हता. दोन दिवसांपासून हरिष लाड, प्रविण लाड ह्या भावंडांनी परिसरातील गावे पिंजून त्याचा शोध घेण्याचा प्रयत्न केला मात्र तो कुठेही दिसून आला नाही किंवा माहितीही मिळाली नाही. त्याच्या बेपत्ता होण्याची नोंद अमळनेर पोलीस स्थानकात करण्यात आली असून त्याचा शोध सुरू आहे. तरीही कुणाला त्याच्या बाबतीत माहिती मिळाल्यास किंवा तो आढळून आल्यास 8830843220, 8999818154 ह्या मोबाईल क्रमांकावर संपर्क साधण्याचा त्याच्या कुटुंबीयांनी मागणी केली आहे.
