मठगव्हाण येथील घटना, नुकसान भरपाईची मागणी…
सागर मोरे
पातोंडा ता.अमळनेर:- येथून जवळ असलेल्या मठगव्हाण येथे मागील आठवड्यापासून पडत असलेल्या संततधार पावसामुळे रेखाबाई पाटील या महिलेच्या घराची भिंत पडल्याने घराचे व संसारोपयोगी वस्तूंचे नुकसान झाल्याची घटना घडली असून जीवितहानी टळली आहे.
मागील आठवडा भरापासून परिसरात संततधार पाऊस झालेला असून रेखाबाई पाटील यांचे विटांचे बांधकाम असलेले घर असून त्या घरात त्या वास्तव्यास असतात. सततच्या पावसामुळे स्वयंपाक गृहाजवळची भिंत अचानकपणे कोसळली त्यामुळे घरातील संसारोपयोगी वस्तू भिंतीखाली दाबून मोठे नुकसान झालेलं आहे.व आज रोजी संपूर्ण घर विना भिंतीचे उघडे पडलेलं आहे. सदरची माहिती मिळताच कोतवाल व तलाठी यांनी घटनास्थळी पंचनामा करून वरिष्ठांकडे तसा अहवाल पाठविला आहे. या घटनेने घराचे नुकसान झालेलं असून दैवबत्तर म्हणून जिवीतहानी टळल्याने कुठलीही जीवितहानी झाली नाही. झालेल्या नुकसानीची नुकसानभरपाई मिळावी अशी मागणी रहिवासी रेखाबाई पाटील यांनी केली आहे.
