जखमी झालेल्या इतर चौघांवर उपचार सुरू…
अमळनेर:- तालुक्यातील मांडळ येथे वीज पडून ३५ वर्षीय मजुराचा मृत्यू झाल्याची दुर्दैवी घटना काल ६ ऑक्टोबर रोजी दुपारच्या सुमारास घडली आहे.
याबाबत अधिक माहिती अशी की, मांडळ शिवारात दुपारच्या सुमारास वादळ वारा व विजांचा कडकडाट सुरू झाल्याने निंबाच्या झाडाखाली मजूर आश्रयाला आले होते. मात्र त्याठिकाणी वीज पडून आनंदा सुरेश कोळी याचा जागीच मृत्यू झाला. तसेच प्रतिभा आनंदा कोळी (वय 30), लटकनबाई आसाराम कोळी (वय 60), राज आनंद कोळी (वय 9) प्रशांत आनंद कोळी (वय 6) हे जखमी झाले. त्यांना ग्रामीण रुग्णालयात उपचारासाठी दाखल करण्यात आले असून आनंदा कोळी याचे शव विच्छेदनासाठी पंचनामा करून ग्रामीण रुग्णालयात हलविण्यात आले. मारवड पोलीसात अक्स्मात मृत्यूची नोंद करण्यात आली असून पुढील तपास पो भरत गायकवाड हे करीत आहेत.
