अमळनेर:- तालुक्यातील मेहेरगाव येथे मारवड पोलिसांनी कारवाई करत गावठी दारू हातभट्टी उध्वस्त केली आहे.
याबाबत अधिक माहिती अशी की, स.पो. नि. जयेश खलाने यांना मिळालेल्या गोपनीय माहितीनुसार मेहेरगाव येथे चिखली नदीकाठी स्मशानभूमीजवळ शाम बंडू पारधी रा. अमळगाव हा गावठी दारू तयार करत असल्याने त्याठिकाणी छापा टाकला असता आरोपीस चाहूल लागल्याने तो झाडाझुडपाच्या आडोशाने पळून गेला. त्या ठिकाणावरून कच्चे व पक्के रसायन तसेच १५ लिटर तयार दारू असा ३६०० रुपये किमतीचा मुद्देमाल आढळून आला. नमुने घेवून उरलेल्या साहित्याचा नाश करण्यात आला असून मारवड पोलीसात दारूबंदी कायदा ६५ ई अन्वये गुन्ह्याची नोंद करण्यात आली आहे. पुढील तपास पोलीस हवालदार संजय पाटील हे करीत आहेत
