गीता जयंतीनिमित्त आयोजन, ५ डिसेंबर रोजी सांगता…
अमळनेर:- तालुक्यातील नवीन पुनर्वसित पाडळसरे गावी सालाबादप्रमाणे यावर्षीही श्रीसंत तुकाराम महाराज भजनी मंडळ व ग्रामस्थ मंडळाच्या सहकार्यातून दिनांक २८ सोमवार पासून गीता जयंतीनिमित्त अखंड हरिनाम कीर्तन सप्ताहाची सुरुवात होणार असून दिनांक ५ डिसेंबर रोजी काल्याचा किर्तनाने महाप्रसाद वाटप करून सांगता होईल.
यात दैनंदिन कार्यक्रम पुढील प्रमाणे राहतील. पहाटे पाच ते सहा काकड आरती, संध्याकाळी सहा ते सात हरिपाठ, रात्री साडेआठ ते साडेदहा हरिकीर्तन होईल. दिनांक २८ नोव्हेंबर रोजी हभप प्रा सुशील महाराज विटनेरकर, दिनांक २९ नोव्हेंबर रोजी हभप भोला महाराज पाडळसरेकर ,दिनांक ३० नोव्हेंबर रोजी हभप धनराज महाराज मेहुटेहुकर,दिनांक १ डिसेंबर रोजी हभप कोमल महाराज खेडीभोकरीकर, दिनांक २ डिसेंबर रोजी हभप गुलाब महाराज लोणकर ,दिनांक ३ डिसेंबर रोजी हभप प्रदीप महाराज वासरेकर,दिनांक ४ रोजी दुपारी गीता जयंतीनिमित्त पालखी सोहळ्याची मिरवणूक काढण्यात येईल व रात्री हभप सत्यवान महाराज देवगावकर यांचे कीर्तन होईल, दिनांक ५ डिसेंबर रोजी सकाळी ९ ते ११ यावेळी हभप सत्यवान महाराज देवगावकर यांचे काल्याचे कीर्तन होऊन लाही काला व महाप्रसाद दुपारी बारा ते दोन या वेळेत वाटून कीर्तन सप्ताहाची सांगता होईल. हरिनाम कीर्तन सप्ताहात श्रीसंत तुकाराम महाराज भजनी मंडळ, बाळ गोपाळ भजनी मंडळ, शिवसरदार व एकलव्य ग्रुप सेवा समिती ,महर्षी वाल्मिकी भक्त परिवार व भजनी मंडळे यांचे सहकार्य लाभणार आहे.
