पो. नि. हिरे यांची कारकीर्द अमळनेरकरांच्या नेहमी राहील स्मरणात…
अमळनेर:- येथील पोलिस ठाण्याचे पोलिस निरीक्षक जयपाल हिरे यांची बदली झाली असून त्यांच्या जागी विजय शिंदे यांची नियुक्ती करण्यात आली आहे.
पोलीस निरीक्षक जयपाल हिरे यांची बदली जळगाव येथील एमआयडीसी पोलीस ठाण्यात करण्यात आली असून त्यांनी चार्ज घेतला असल्याचे समजते. तसेच रामानंद पोलीस ठाण्यातील विजय शिंदे यांची अमळनेर येथे बदली झाली असून रात्रीच त्यांनी पदभार स्वीकारला आहे.
तात्काळ गुन्हे उघडकीस आणून लवकरात लवकर आरोपींना अटक करण्याची हिरे यांची शैली अमळनेर करांना भावली होती. कडक शिस्त व गुन्हेगारांवर वचक निर्माण केल्याने जयपाल हिरे यांनी गारूड निर्माण केले होते. अनेक दाखल गुन्ह्यातील मुद्देमाल मूळ मालकांना परत केला होता. तसेच अट्टल गुन्हेगारांना गोपनीय माहितीच्या आधारे ताब्यात घेवून त्यांच्या मुसक्या आवळल्या होत्या. पदाचा अभिमान न बाळगता सर्वसामान्यात मिसळणाऱ्या या अधिकाऱ्याची कारकीर्द अमळनेरकरांच्या नेहमी लक्षात राहील.
