निम शिवारातील घटना, पोलीसात तक्रार दाखल…
अमळनेर:- तालुक्यातील निम शिवारातील शेताच्या बांधावर लावलेली दुचाकी अज्ञात चोरट्याने बांधावरून लंपास केल्याने मारवड पोलीसात तक्रार दाखल करण्यात आली आहे.
याबाबत अधिक माहिती अशी की, निम येथील प्रदीप भगवान धनगर हे दिनांक २६ डिसेंबर रोजी दुपारी १२:३० वाजेच्या सुमारास कपिलेश्वर रोडलगत शेतात गेले असता त्यांनी आपली मोटारसायकल एम एच १९ ईबी ५९०९ रोडलगत शेताच्या बांधावर लावली. संध्याकाळी ४ वाजता शेतातून परत आले असता सदर मोटारसायकल दिसून आली नाही. परिसरात शोध घेतला असता दुचाकी मिळून न आल्याने अज्ञाने चोरट्याने पळविली असल्याची खात्री झाली. त्यावरून मारवड पोलीसात तक्रार दाखल केली असून पुढील तपास पो.ना. सुनील नाईक करीत आहेत.
