साडेचार लाख किमतीच्या १५ टन वजनाच्या प्लेट गेल्या चोरीला…
अमळनेर:- पाडळसरे धरणाच्या कामावरील साहित्याची चोरी झाली असून मारवड पोलीसात याबाबत काल फिर्याद देण्यात आली.
मारवड कळमसरे रस्त्यावरील पाडळसरे धरणाच्या कामासाठीचे साहित्य ठेवले असून त्या ठिकाणावरून प्रत्येकी ५४ किलो वजनाच्या २८७ नग लोखंडी प्लेट चोरीला गेल्या असून त्यांची एकूण किंमत ४ लक्ष ६४ हजार ९४० रुपये एकूण वजन १५ टन ६१२ किलो आहे. गेल्या चार पाच महिन्यांपासून हा प्रकार सुरू असल्याचे फिर्यादीत नमूद करण्यात आले आहे. मात्र दिवसरात्र त्याठिकाणी पहारेकरी असून ही ह्या प्लेट लांबवल्या कश्या याबाबत शंका कुशंका उपस्थित होत आहे. सुपरवायझर दिनेश चौधरी याच्या फिर्यादीवरून मारवड पोलीसात कलम ३७९ अन्वये गुन्ह्याची नोंद करण्यात आली असून पुढील तपास पो. उ. नि. बाळकृष्ण शिंदे हे करीत आहेत.
