अमळनेर:- वेब मिडिया असोसिएशनच्या पदाधिकाऱ्यांची मुंबई येथे बैठक असोसिएशनचे संस्थापक अध्यक्ष अनिल महाजन व सचिव गणेश पुजारी यांच्या अध्यक्षतेखाली नुकतीच मुंबई येथे पार पडली. त्यात नुकतीच राज्यातील, जिल्हा, तालुका व वेबपोर्टलच्या संपादकांची 2023 ची कार्यकारणी घोषित केली.
त्यावेळी मराठी लाईव्ह न्युजचे मुख्य संपादक ईश्वर रामदास महाजन यांची निवड अमळनेर तालुकाध्यक्षपदी करण्यात आली. ईश्वर महाजन हे गेल्या वीस वर्षापासून पत्रकारिता क्षेत्रात कार्यरत आहेत. सामाजिक, शैक्षणिक, राजकीय, कृषी क्षेत्रातील बातम्यांना ते नेहमीच प्रसिद्धी देत असतात. महाराष्ट्र पत्रकार संघाचे राज्य अध्यक्ष विलासराव कोळेकर, राज्यसंपर्क प्रमुख बाबासाहेब राशिनकर, व पत्रकारिता, शैक्षणिक, सामाजिक, राजकीय, धार्मिक, कृषी क्षेत्रातील मान्यवर यांनी त्यांचे अभिनंदन केले आहे. लवकरच वेब पोर्टलची तालुका कार्यकारणी घोषित करणार असून ज्यांना वेब पोर्टल तालुका कार्यकारणीत सहभागी व्हायचे असेल त्यांनी संपर्क साधावा असे आवाहन त्यांनी केले आहे.
