वेस्टइंडीजमधील भारतीय राजदूतांच्या हस्ते सोमवारी महापूजा…
अमळनेर:- येथील श्री मंगळग्रह मंदिरात गयाना (वेस्टइंडीज) येथील भारतीय राजदूत (हाय कमिशनर ऑफ इंडिया) डॉ.के.जे. श्रीनिवासा हे दि .१६ रोजी पहाटे पाच वाजेच्या नित्यप्रभात श्री मंगळाभिषेकासाठी १५ रोजी मंदिरात मुक्कामी येत आहेत. डॉ. श्रीनिवासा यांच्या निमित्ताने येथे प्रथमच राजदूत येत आहेत. त्या प्रित्यर्थ अनेक मान्यवरांच्या उपस्थितीत मंदिरात १६ रोजी सकाळी ८ वाजता सन्मान सोहळा आयोजित केला आहे. काही उपक्रमांचाही त्यांच्या उपस्थितीत प्रारंभ होणार आहे.
रशियन महिलेचीही मंगळ ग्रह मंदिराला भेट…
मंगळ ग्रह मंदिराची माहिती मिळाल्याने रशियन महिलेने गुरुवारी श्री मंगळग्रह मंदिरास सदिच्छा भेट दिली. भाविकांचे श्रद्धास्थान मंगळ देवाच्या दर्शनासाठी भारतासह विदेशातील भाविक मोठया संख्येने येत असतात. रशियन उद्योजिका देशा यांनी काही महिन्यांपूर्वी मंगळग्रह देवतेची माहिती घेतली होती. त्यांनी भारतात आल्यानंतर मुंबईतील मित्रांशी चर्चा केल्यानंतर जळगाव येथे जात असताना अमळनेर येथे येऊन श्री मंंगळग्रह मंदिरास भेट दिली. यावेळी सहलीनिमित मंदिरात आलेल्या मुलांनी देशा यांच्यासोबत सेल्फी घेतला.
