शहरातील वडचौक भागात प्रभाग पतंग महोत्सव…

मोफत पतंग व स्पर्धेत बक्षिसांचे वाटप, विक्रांत पाटील यांच्या वतीने आयोजन…

अमळनेर:- शहरातील श्रीकृष्णपुरा वड चौक भागात मकर संक्रांती निमित्ताने प्रभाग पतंग महोत्सवाचे आयोजन करण्यात आले आहे.
माजी नगरसेवक विक्रांत भास्करराव पाटील व सौ. स्वप्ना विक्रांत पाटील यांच्या वतीने या पतंग महोत्सवाचे आयोजन करण्यात आले असून मकरसंक्रांतीला दि. 15 जानेवारी रोजी दुपारी दोन वाजेपासून श्रीकृष्णपुरा, वडचौक भागातील श्री. संत सखाराम महाराज यांचे मोकळे शेतमैदानात कार्यक्रमास सुरुवात होणार असून यावेळी राजकीय व सामाजिक क्षेत्रातील मान्यवर, अधिकारी वृंद, तसेच पतंग शौकीन यांची मोठ्या प्रमाणावर उपस्थिती असणार आहे. याठिकाणी निसर्गसंपन्न वातावरणात पतंग उडविण्याचा आनंद घेता येणार आहे, विक्रांत पाटील यांच्याकडून मोफत पतंग पुरविल्या जाणार आहेत. शहरातील मध्यवर्ती भागात कार्यक्रम असल्याने नागरिकांची मोठी गर्दी होणार आहे. सर्वांनी या उत्सवात सहभागी होऊन आनंद घ्यावा असे आवाहन विक्रांत पाटील मित्र परिवारातर्फे करण्यात आले आहे.