चेअरमनपदी शरद पाटील तर व्हा. चेअरमनपदी खुशाल पाटील बिनविरोध…
अमळनेर:- तालुक्यातील नंदगाव साने नगर विकासो चेअरमन व व्हा. चेअरमन बिनविरोध निवड करण्यात आली असून चेअरमनपदी शरद पाटील तर व्हा. चेअरमनपदी खुशाल पाटील यांची निवड करण्यात आली आहे.
काल दिनांक २७ मे रोजी नंदगाव येथे विकासो चेअरमन पदी शरद पंढरीनाथ पाटील व व्हाइस चेअरमनपदी खुशाल व्यंकट पाटील यांची निवड बिनविरोध करण्यात आली. निवडणूक निर्णय अधिकारी सुनील महाजन यांच्या उपस्थितीत सर्वानुमते बिनविरोध निवड करण्यात आली. यावेळेस उपस्थित नंदगाव विकास सोसायटीचे संचालक महेश रमेश पाटील, भास्कर गंगाराम पाटील, योगेश भटा पाटील, रामकृष्ण देविदास पाटील, रत्नाबाई चतुर पाटील, प्रमोद देविदास बडगुजर, शकुंतला लक्ष्मण पाटील, बाबूलाल काळू पाटील, गोभा टीका भिल, नाना हिरामण पाटील, सचिव बाळु पाटील व गावातील सरपंच, उपसरपंच, सर्व सदस्य व मा. कृषी उत्पन्न बाजार समिती संचालक भटा साहेबराव पाटील, ग्रामस्थ रमेश दत्तू पाटील, अरुण लक्ष्मण पाटील व पदाधिकारी उपस्थित होते. मावळते चेअरमन भास्कर गंगाराम पाटील व महेश रमेश पाटील यांनी पदाधिकाऱ्यांचा शाल, श्रीफळ व पुष्पगुच्छ देऊन यांच्या सत्कार केला. माजी आमदार साहेबराव पाटील व शिवसेना विधानसभा क्षेत्र प्रमुख सुरेश अर्जुन पाटील, माजी नगरसेवक विक्रांत पाटील, राकॉ तालुकाध्यक्ष सचिन पाटील यांनीही शुभेच्छा दिल्या.
