अमळनेर:- शहरातील लोकमान्य शिक्षण मंडळ संचलित नवीन मराठी शाळेच्या मुख्याध्यापक पदी मच्छिंद्र हिलाल मोरे यांची नियुक्ती करण्यात आली आहे.
नवीन मराठी शाळेच्या सेवाजेष्ठतेनुसार दि.१ जून पासून मोरे यांची नियुक्ती करण्यात आली असून लोकमान्य शिक्षण मंडळाचे कार्याध्यक्ष अरविंद फुलपगारे व चिटणीस विवेकानंदजी भांडारकर व संस्थेच्या सर्व पदाधिकारी यांनी मच्छिंद्र हिलाल मोरे यांच्या मुख्याध्यापक पदी नियुक्तीबद्दल सत्कार करून पुढील वाटचालीसाठी त्यांना संस्थेतर्फे शुभेच्छा दिल्या. या कार्यक्रमाला शाळेतील सर्व शिक्षक व शिक्षकेतर कर्मचारी उपस्थित होते.
