राहुल लोणीकर यांनी २४ जून रोजी भेट देत घेतले दर्शन…
अमळनेर:- येथील श्री मंगळग्रह मंदिरात भाजपा युवा मोर्चाचे प्रदेशाध्यक्ष राहुल लोणीकर यांनी २४ जून रोजी येऊन दर्शन घेतले. श्री मंगळग्रह मंदिराविषयी ऐकले होते, त्यापेक्षाही येथील परिसर खूप सुंदर आणि आकर्षक असल्याचे ते म्हणाले.
यावेळी मंगळग्रह सेवा संस्थेचे सहसचिव दिलीप बहिरम, खजिनदार गिरीश कुलकर्णी, विश्वस्त अनिल अहिरराव यांनी लोणीकर यांना मंदिराविषयीची संपूर्ण माहिती देत संस्थेतर्फे राबविण्यात येणाऱ्या सामाजिक, शैक्षणिक, आरोग्य विषयीच्या उपक्रमाबद्दल सांगितले. यावेळी प्रदेश महामंत्री योगेश मेंद, प्रदेश उपाध्यक्ष कपिल पाटील, प्रदेश सचिव भैरवी पलांडे, प्रदेश सचिव विजय बनसोडे, प्रदेश सदस्य किरण बोरडे, प्रदेश सदस्य अंकित संचेती, प्रदेश मीडिया संयोजक अमित सोलंके उपस्थित होते.
