अमळनेर:- चामुंडा माता बहुउद्देशीय विकास परिसर धुळे, संचलित परिश्रम दिव्यांग मुला मुलींची निवासी शाळा पारोळा जिल्हा जळगाव येथे दि. ३१ जुलै रोजी अमळनेर रोटरी क्लब यांच्या संयुक्त विद्यमाने दोन विद्यार्थी, एक वृक्ष पालकत्व देण्याचा कार्यक्रम आयोजित करण्यात आला होता.
कार्यक्रमाच्या अध्यक्षस्थानी प्रतीक जैन (अध्यक्ष, रोटरी क्लब अमळनेर), देवेंद्र कोठारी (मानद सचिव, रोटरी क्लब), रोहित सिंघवी, राजेश बहेमुथा, महेश पाटील, अभिजित भांडारकर, विजय पाटील, निलेश पाटील (स्वादिष्ट नमकिन, अमळनेर), धीरज अग्रवाल,आशिष चौधरी, अमळनेर हे होते.सर्वांच्या वतीने रो.प्रतिक जैन यांचा सत्कार संस्थेचे अध्यक्ष योगेश रघुनाथ महाजन यांचे हस्ते करण्यात आला. यावेळी विशेष विद्यार्थी समवेत सविता पाटील, वैशाली पाटील यांनी स्वागतगीत तसेच भक्तीगीत सादर केले व हेमंत महाजन व जगदीश सोनवणे समवेत विद्यार्थ्यांनी नृत्य सादर केले. ते बघुन सर्व मान्यवर भारावून गेले.उपस्थित मान्यवर व रोटरी क्लब यांच्या वतीने शाळेस किराणा व शिधा वाटप करण्यात आला. तसेच शालेय परिसरात वृक्षारोपण करण्यात आले.व सिडबॉल परिसरातील विविध ठिकाणी टाकण्यात आले. कार्यक्रमाचे सुत्रसंचालन प्रताप पाटील यांनी तर आभार प्रदर्शन शाळेचे मुख्याध्यापक मनिष किसन जाधव यांनी केले.या कार्यक्रमासाठी सर्व शिक्षकेतर कर्मचारी यांनी परिश्रम घेतले.
