विविध मान्यवरांच्या उपस्थितीत केले फलक अनावरण…
अमळनेर:- शहरातील श्री छत्रपती चौकाचा नामकरण सोहळा व फलक अनावरण सोहळा विविध मान्यवरांच्या उपस्थितीत काल दिनांक १५ ऑगस्ट रोजी संपन्न झाला.
जाती धर्माच्या भिंती भेदून, माणसाला माणुसकीने जगायला शिकवणारे राजे म्हणजे छत्रपती शिवाजी महाराज व छत्रपतींची प्रेरणा तमाम युवा पिढीला मिळावी हाच संदेश डोळयासमोर ठेवून इंदिरा गांधी शाळेच्या पुढे मुंदडा हाईट्स इमारतीचा जवळील चौकाचे “श्री छत्रपती चौक” नामकरण करण्यात आले. हा नामकरण सोहळा व फलक अनावरण कार्यक्रम सचिनभाऊ खंडारे मित्र परिवारातर्फे आयोजित करण्यात आला होता. या कार्यक्रमाचे उद्घाटक म्हणून डॉ अनिल शिंदे, प्रमुख पाहुणे म्हणून कल्याण पाटील, एस.डी. देशमुख सर, ॲड. विवेक लाठी, विनोद कदम, ॲड. तिलोत्तमा पाटील, वसुंधरा लांडगे, नगरसेवक शाम पाटील, ठाकरे सर, डॉ. रविंद्र कुलकर्णी, हितेश शहा, मनोज शिंगाणे, कमल कोचर, प्रताप शिंपी, उमेश वाल्हे, सुरज परदेशी आदी मान्यवर उपस्थित होते. कार्यक्रमाच्या सुरुवातीला छत्रपती शिवाजी महाराजांच्या पुतळ्यास माल्यार्पण केल्यानंतर डॉ. शिंदे यांच्याहस्ते हे फलक अनावरण करण्यात आले. यावेळी डॉ शिंदे यांनी, “या नामकरणामुळे शहरातील मुख्य अश्या या परिसरास नवी ओळख मिळाल्याचे सांगत सचिन खंडारे मित्र परिवाराचे कौतुक केले”. सदर कार्यक्रमास ओम प्रकाश मुंदडा, स्वादिष्ट नमकीनचे संचालक विजय पाटील, भूषण चौधरी तसेच सुदर्शन मित्र मंडळ व परिसरातील नागरिकांचे विशेष सहकार्य लाभले. यावेळी उपस्थित मान्यवरांनी नेहमीच सामाजिक उपक्रमात अग्रेसर असणाऱ्या सचिन खंडारे व मित्र परिवाराचे विशेष कौतुक केले.
