अमळनेर:- तालुक्यातील वावडे येथील बी. बी. ठाकरे शाळेत मिल के चलो असोसिएशन या सेवाभावी संस्थेतर्फे विज्ञान प्रदर्शन आयोजित करण्यात आले होते.
मिल के चलो असोसिएशनचा चौथा वर्धापन दिन 9 सप्टेंबर 2023 रोजी अमळनेर येथे आयोजित करण्यात आलेला आहे. त्यानिमित्ताने अमळनेर तालुक्यातील काही ठराविक शाळांमध्ये विज्ञान स्पर्धा आयोजित करण्यात आल्या असून त्याची सुरुवात वावडे येथून करण्यात आली. या प्रत्येक शाळेत पुढील आठवड्यात विज्ञान प्रदर्शन घेतले जातील आणि यात निवडलेले विद्यार्थी अमळनेर येथील कार्यक्रमाच्या विज्ञान प्रदर्शनात भाग घेतील. वावडे येथे विज्ञान प्रदर्शनात ३५ विज्ञान प्रयोग प्रतिकृती, २५ पोस्टर आणि २० विदयार्थ्यांनी निबंध स्पर्धेत भाग घेतला. एकूण ८० विद्यार्थ्यांनी सहभाग नोंदवला होता आणि त्यांच्या कामात नाविन्यता तसेच अभ्यासूपणा दिसून आला. परिक्षणानंतर निवडलेल्या विद्यार्थ्यांना लगेच शैक्षणिक साहित्याचे बक्षिस वाटप करण्यात आले. बी.बी. ठाकरे शाळेतील मुख्याध्यापक सुनिल पाटील आणि सर्व शिक्षक वृंद यांनी मोलाचे सहकार्य केले. कार्यक्रमाचे अध्यक्ष सुनिल पाटील हे होते तर प्रमुख पाहुणे म्हणून निवृत्त मुख्या. साहेबराव पाटील यांनी मोलाचे मार्गदर्शन केले. सूत्रसंचालन प्रल्हाद पाटील तर विज्ञान प्रकल्पांचे परिक्षण निरंजन पेंढारे यांनी केले. तर शाळेचेच माजी विद्यार्थी पोलिस कॉन्स्टेबल दिपक पाटील, प्रतिष्ठित शेतकरी चंद्रकांत पाटील, पालक प्रतिनिधी दिनकर पाटील व इतर मान्यवर उपस्थित होते. मंचावर मिल के चलोचे पदाधिकारी इंजी. अनिरुद्ध पाटील, इंजी. कल्याणी पाटील, सदस्या करुणा पाटील, इंजि. विनायक पाटील हे उपस्थित होते. विज्ञान प्रदर्शनाचे संपूर्ण नियोजन मिल के चलो संस्थेचे सहकारी चेतन वैराळे, वैष्णवी ठाकरे, प्रिया ठाकरे यांनी विद्यार्थ्यांच्या मदतीने उत्कृष्टरित्या केले होते. यावेळी गावातील तरुण वर्ग मोठ्या संख्येने उपस्थित होता. जिल्हा परिषद शाळा वावडे येथील सर्व विद्यार्थ्यांनी ही या प्रदर्शनाचा लाभ घेतला.
