चोपडाई कोंढावळ बसस्थानकावर घडली दुर्घटना…
अमळनेर:- वळणावर पॅजो रिक्षा पलटी होऊन एक महिला जागीच ठार होऊन एक जण जखमी झाल्याची घटना दिनांक ६ रोजी सायंकाळी चार वाजेच्या सुमारास चोपडाई कोंढावळ बसस्थानकावर घडली.
चोपडाई कोंढावळ येथील कलाबाई बुधा पाटील व बन्सीलाल बुधा पाटील हे माय लेक गावातीलच राजेंद्र रामदास भिल याची पॅजिओ रिक्षा क्रमांक एम एच ४१ व्ही १६४५ हिच्यावरून नवलनगर येथून गावी कोंढावळ परत येत असताना चालकाने जोरात वळण घेताना रिक्षा पलटली आणि कलाबाई जागीच ठार झाली. तर तिचा मुलगा बन्सीलाल हा जखमी झाला. पोलीस पाटील योगेश पाटील यांनी फिर्याद दिल्यावरून चालक राजेंद्र याच्या विरुद्ध गुन्हा दाखल करण्यात आला असून पुढील तपास अक्षदा इंगळे करीत आहेत.
