अमळनेर:- 8 मार्च हा दिवस संपूर्ण जगात मोठ्या प्रमाणात जागतिक महिला दिन म्हणून उत्साहात साजरा करण्यात येतो. त्यानिमित्ताने अमळनेर येथील विप्रो प्रा लि कंपनी तर्फे महिलांना मार्गदर्शन शिबाराचे आयोजन करण्यात आले होते.
कार्यक्रमास प्रमुख अतिथी म्हणून डॉ मंजुरी कुलकर्णी, आधार संस्था अध्यक्षा डॉ भारती पाटील, कार्यकारी संचालक श्रीमती रेणू प्रसाद, विप्रो प्रा लि कंपनी जनरल मॅनेजर विजय बादगिवाले, आधार संस्थेच्या, अश्विनी भदाणे विप्रो प्रा लि कंपनी संजय टेनी, व्यंकटेश गुरव , जितेंद्र शर्मा आदी उपस्थित होते. यावेळी डॉ मंजुरी कुलकर्णी यांनी उपस्थित महिलांना आरोग्य विषयक मार्गदशन केले तर आधार संस्था महिलांनसाठी राबवित असलेल्या उपक्रम व त्याचे फायद्याविषयी अश्विनी भदाणे यांनी माहिती दिली तसेच यावेळी विप्रो प्रा लि कंपनी जनरल मॅनेजर विजय बादगिवाले यांनीही महिलांना मार्गदर्शन करत उपस्थित महिलांना महिला दिनाच्या निमित्ताने गिफ्ट दिले. कार्यक्रम दरम्यान आधार संस्थेच्या वतीने श्रीमती दिप्ती शिरसाठ, श्रीमती मोहिनी पाटील व ज्ञानेश्वरी पाटील यांनी विविध मनोरंजनपर प्रबोधनाचे खेळ महिलांसाठी खेळविण्यात आले.
कार्यक्रमाचे सूत्रसंचालन विप्रो प्रा लि कंपनीचे सुधीर बडगुजर यांनी केले तर आभार किरण निकम यांनी मानले.
