मारवड पोलीसात तिघांविरुद्ध तक्रार दाखल…
अमळनेर:- तालुक्यातील भरवस येथे एकास सख्ख्या भाऊ व इतर दोघांनी मिळून बेदम मारहाण केल्याची घटना घडली असून मारवड पोलीसात तिघांविरुद्ध तक्रार दाखल करण्यात आली आहे.
याबाबत अधिक माहिती अशी की, भरवस येथे राहणारे सुभाष तुकाराम पाटील (वय ४०) हे गावात शेतमजूर म्हणून काम करत असून त्यांचा लहान भाउ महेंद्र हा गावातील प्रकाश पाटील यांच्याकडे सालदरकी करत असून १९ मे रोजी रात्री ९ वाजता नितीन महारू पाटील यांच्या खळ्यात गुरांना चारा टाकत असताना भूषण प्रकाश पाटील हा खळ्यात आला व तुझ्या भावाचे पैसे मागण्यास आमच्याकडे का आला असे म्हणत लोखंडी वस्तूने पायावर मारहाण केली व जीव करण्याची धमकी देवू लागला. तसेच प्रकाश पाटील यांनी देखील येवून काठीने फिर्यादीस मारहाण केली. त्यानंतर फिर्यादीचा लहान भाऊ महेंद्र याने येवून फिर्यादीस बुक्क्यांनी मारहाण केली. त्यानंतर दुसऱ्या दिवशी गावातील इतरांच्या मदतीने धुळे दवाखान्यात दाखल झाल्याने फिर्याद देण्यास उशीर झाला. मारवड पोलीसात या तिघांविरुद्ध भादवि कलम ३२५,३२४,३२३, ५०४, ५०६, ३४ अन्वये गुन्ह्याची नोंद करण्यात आली असून पुढील तपास हे. कॉ. किशोर पाटील हे करीत आहेत.
