अमळनेर:- तालुक्यातील रुंधाटी येथील तापी परिसर ग्राम विकास शिक्षण प्रसारक मंडळ संचलित नूतन माध्यमिक विद्या मंदीर येथे परिसरातील शिक्षणासाठी गंगापूरी व खापरखेडा येथून विद्यार्थी येत असतात.
गावापासून तर शाळेचे अंतर हे 3 किमी इतके असून त्यांना प्रवासासाठी अडचणी येवू नये म्हणून गंगापुरी व खापरखेडा येथील गरजू व गरीब कुटुंबातील नऊ विद्यार्थ्यांना शाळेतील मुख्याध्यापक, शिक्षक व कर्मचारी यांच्याकडून सायकल वाटप करण्यात आल्या. त्यावेळी शाळेचे मुख्याध्यापक ए एस पाटील, शिक्षक एच आर पाटील, सोनवणे सर, वैद्य सर, भुषण पवार, शिरसाठ मॅडम, स्वाती पाटील, तसेच शाळेतील कर्मचारी नारायण कुमावत, विजय पवार, भागवत बागुल, सुभाष पाटील आदी उपस्थित होते.
