अमळगाव रस्त्यावर घडली घटना, पोलीसात तक्रार दाखल…
अमळनेर:- तालुक्यातील अमळगाव येथील शेतात गेलेल्या शेतकऱ्याची मोटारसायकल रस्त्यावरून लंपास केल्याची घटना घडली आहे.
याबाबत अधिक माहिती अशी की, अमळगाव येथील रवींद्र पांडुरंग चौधरी हे दिनांक २३ जून रोजी दुपारी शेतात जाण्यास निघाले. त्यावेळी शेतात चिखल असल्याने स्प्लेंडर प्लस मोटारसायकल (क्रमांक एम एच १९ एटी १०९१) ही अमळनेर ते अमळगाव रोडवर पुलाच्या पुढे लावून शेतात पायी गेले. शेतातून परत आले असता त्याठिकाणी मोटारसायकल दिसून आली नाही. आजूबाजूच्या परिसरात शोध घेतला असता मोटारसायकल मिळून न आल्याने मारवड पोलीसात तक्रार दाखल करण्यात आली आहे. पुढील तपास पोलीस करत आहेत.
