शासकीय आश्रमशाळेत विद्यार्थ्यांना केले फळ वाटप…
सागर मोरे
पातोंडा ता.अमळनेर:- येथून जवळच असलेल्या दहिवद येथे श्री संत सेना महाराज यांच्या पुण्यतिथी समाज बांधवांच्या उपस्थित साजरी करण्यात आली. दरम्यान नाभिक समाज संघटना व जीवा सेना संघटना दहिवद यांच्याकडून संत सेना महाराज प्रतिमेचे पूजन करून अभिवादन करण्यात आले. त्यानंतर संत सेना महाराज यांच्या शिकवणीनुसार गावातील शासकीय आश्रम शाळा येथील शालेय विद्यार्थ्यांना फळ वाटप करण्यात आले. याप्रसंगी समाज प्रबोधन घडून येण्यासाठी ह.भ.प.श्री ज्ञानेश्वर माऊली महाराज लोणी यांचा जाहीर कीर्तनाचा कार्यक्रम आयोजित करण्यात आला होता. कार्यक्रमाला प्रमुख उपस्थिती संतोष सोनवणे, दिलीप सोनवणे,धनराज सोनवणे, संजय सोनवणे,दिलीप अहिरे व समाज बांधव उपस्थित होते. कार्यक्रमाच्या यशस्वीतेसाठी जीवा सेना संघटना अध्यक्ष वसंत सोनवणे, उपाध्यक्ष रामकृष्ण सोनवणे, सहसचिव प्रदीप सोनवणे, दीपक सोनवणे,महेंद्र सोनवणे आदींनी मेहनत घेतली.
