अमळनेर:- येथील मिताली सासनानी हिने नीट परीक्षेत उत्तम गुण मिळवत यश मिळवले असून तिच्या या यशाबद्दल तिचे अभिनंदन केले जात आहे.
शहरातील कोमल मेडिकलचे मालक भारत सासनानी व सीमा सासनानी यांची मुलगी मिताली हिने नीट परीक्षेत ७२० पैकी ६३६ गुण मिळवले आहेत. तिने नीट परीक्षेसाठी कोटा (राजस्थान) येथे कोचिंग क्लासेस लावले व परिश्रमाने यश मिळवले आहे. मुंबई येथे चांगल्या मेडिकल कॉलेजमधून एमबीबीएस करून डॉक्टर होवून गोरगरिबांची सेवा करण्याचा मनोदय तिने यावेळी व्यक्त केला. तिच्या या यशाबद्दल आईवडील व परिवाराने आनंद व्यक्त केला असून मितालीचे सर्वत्र अभिनंदन होत आहे.
