अमळनेर:-अखिल भारतीय साहित्य परिषदेचा स्थापना दिनाच्या निमित्ताने अमळनेर शाखेतर्फे सरस्वती पूजन व महर्षी वाल्मिकी जयंती निमित्त महर्षी वाल्मिकी यांना अभिवादन करण्यात आले.
शाखेचे अध्यक्ष प्राध्यापक एन के कुलकर्णी यांच्या हस्ते सरस्वतीचे पूजन करण्यात आले. तसेच बाबासाहेब के नारखेडे विद्यालयातर्फे घेण्यात येणाऱ्या शिक्षकांसाठी कथालेखन स्पर्धेत राज्यस्तरीय पारितोषिक प्राप्त शाखेचे कार्यवाह जे के चौधरी यांचा सत्कार करण्यात आला. तसेच देवगिरी प्रांत कार्यकारणी सदस्य शैलेश काळकर यांनी साहित्य परिषदेच्या स्थापनेच्या उद्देशासंदर्भात सर्वांना मार्गदर्शन केले. यावेळी सर्व सदस्यांनी आपापले मनोगत व्यक्त केले. या कार्यक्रमास परिषदेचे अध्यक्ष प्राध्यापक एन के कुलकर्णी, कार्याध्यक्ष जे के चौधरी, तसेच कार्यकारणी सदस्य प्रकाश पाटील, दीपक खोंडे, विवेक जोशी, प्रज्ञा जोशी, श्रीमती स्नेहा एकतारे, मंगेश काळकर हे उपस्थित होते. दीपक खोंडे यांनी उपस्थित यांचे आभार मानले.
