अशोक पाटील व डीवायएसपी राकेश जाधव यांची प्रमुख उपस्थिती…
अमळनेर:- तालुक्यातील जवखेडा येथे राजे संभाजी मित्र मंडळ व अशोक आधार पाटील यांच्या सहकार्याने छत्रपती संभाजीराजे यांच्या स्मारकाचा उद्घाटन सोहळा मोठ्या उत्साहाने पार पडला.
यावेळी डीवायएसपी राकेश जाधव व अशोक पाटील यांची प्रमुख उपस्थिती होती. कार्यक्रमाचे अध्यक्ष जवखेडे गावाच्या सरपंच अर्चना नेताजी पाटील, उपसरपंच बाळासाहेब प्रशांत पुरुषोत्तम पाटील, यांच्यासह मान्यवर उपस्थित होते. उद्घाटक अशोक आधार पाटील व डीवायएसपी राकेश जाधव यांचे शाल, श्रीफळ आणि एक रोपटे देवून सत्कार करण्यात आला. याप्रसंगी अशोक आधार पाटील यांनी सर्व ग्रामस्थांना अनमोल मार्गदर्शन केले. तसेच राकेश जाधव यांनी गावाची सुरक्षा कशा पद्धतीने ठेवली पाहिजे ? आपण स्वतःला शिस्त कशी लावून घेतली पाहिजे ? आपल्या गावाच्या संरक्षणाची जबाबदारी आपली आहे. तरुणांनी कशा पद्धतीने समाजाची रचना ठेवली पाहिजे यावर मार्गदर्शन केले. या कार्यक्रमाप्रसंगी प्रशांत पुरुषोत्तम पाटील, नेताजी पाटील, शामकांत पाटील, भरत पाटील माजी सरपंच चुडामन पाटील ,सर्व ग्रामस्थ आणि राजे संभाजी मित्र मंडळाचे सर्व सदस्य उपस्थित होते. कार्यक्रमाचे सूत्रसंचालन प्रा.रणजीत पाटील यांनी केले.
