झाडाला गळफास लावून घेत संपविले जीवन…
अमळनेर:- तालुक्यातील तांदळी येथे राहणाऱ्या ४८ वर्षीय इसमाने निंबाच्या झाडाला दोरीने गळफास लावून घेत जीवनयात्रा संपविली आहे. याप्रकरणी पोलिसांत अकस्मात मृत्यूची नोंद करण्यात आली आहे.
कैलास पौलाद चौधरी (मुळगाव निम हमु तांदळी) असे मयताचे नाव असून दिनांक २४ रोजी दुपारी ३:३० वाजेच्या सुमारास तांदळी गावाच्या बाहेर स्वतःच्या शेतात झाडाला गळफास घेवून आत्महत्या केली. आत्महत्या करीत आहे असे त्याने आत्महत्येआधी फोनद्वारे कळविले होते असे फिर्यादीत नमूद करण्यात आले असुन मारवड पोलिसांत अकस्मात मृत्यूची नोंद करण्यात आली आहे. पुढील तपास स. फौ. किशोर पाटील हे करीत आहेत.
